മുംബൈ : വനിത ട്വന്‍റി-20 ചലഞ്ചില്‍ വെലോസിറ്റി താരമായ സോനാവാണെയിലേക്കാണ് ഇപ്പോള്‍ ആരാധകരുടെ ശ്രദ്ധ. 23കാരിയുടെ വിചിത്രമായ ബോളിങ് ആക്ഷനാണ് അതിന് കാരണം. മുന്‍ സൗത്ത് ആഫ്രിക്കന്‍ ടെസ്റ്റ് താരം പോള്‍ ആഡംസിനോട് സാമ്യമുള്ള ബോളിങ് ആക്ഷനാണ് ഇത്.
Women's T20 Challenge | വേറിട്ട ബോളിങ് ആക്ഷൻ ; ശ്രദ്ധ പിടിച്ചുപറ്റി സോനാവാണെ - velocity vs supernovas
മുന്‍ സൗത്ത് ആഫ്രിക്കന്‍ ടെസ്റ്റ് താരം പോള്‍ ആഡംസിനോട് സാമ്യമുള്ള ബോളിങ് ആക്ഷനാണ് ഇത്
Women's T20 Challenge: വേറിട്ട ബോളിങ് ആക്ഷൻ; ശ്രദ്ധ പിടിച്ചുപറ്റി സോനാവാണെ
പന്ത് കയ്യില്‍ നിന്ന് റിലീസ് ചെയ്യുന്നതിന് മുന്‍പായി സോനാവാണെയുടെ തല പൂര്‍ണമായും താഴേക്ക് കുനിയുന്നു. ബാറ്റേഴ്‌സില്‍ ആശയക്കുഴപ്പം ഉണ്ടാക്കാന്‍ ഇവിടെ സോനാവാണെയ്ക്ക് കഴിയുന്നതിനൊപ്പം ലൈനും ലെങ്തും കണ്ടെത്താന്‍ സാധിക്കുന്നുവെന്നതും ക്രിക്കറ്റ് ലോകത്തെ വിസ്‌മയിപ്പിക്കുന്നു. ചില ആരാധകർ ഈ ബോളിങ്ങിനെ മുൻ ദക്ഷിണാഫ്രിക്കൻ ബോളർ പോൾ ആഡംസിന്‍റേതുമായി താരതമ്യപ്പെടുത്തിയപ്പോൾ, ചിലർ ഐപിഎല്ലിൽ ഗുജറാത്ത് ലയൺസിന് വേണ്ടി കളിച്ച ഷിവിൽ കൗശിക്കിന്‍റെ ആക്ഷനുമായിട്ടാണ് സാമ്യപ്പെടുത്തിയത്.
സൂപ്പര്‍നോവയ്‌ക്കെതിരെ വെലോസിറ്റിയുടെ മത്സരത്തില്‍ രണ്ട് ഓവര്‍ എറിഞ്ഞ സോനാവാണെ 19 റണ്‍സ് ആണ് വഴങ്ങിയത്. സൗത്ത് ആഫ്രിക്കയുടെ പോള്‍ ആഡംസും ആദ്യം ഈ ബോളിങ് ആക്ഷനുമായി ബാറ്റേഴ്‌സിനെ കുഴക്കിയിരുന്നു. എന്നാല്‍ വേരിയേഷനുകള്‍ കൊണ്ടുവരാന്‍ കഴിയാതിരുന്നതോടെ താരത്തിന് ബാറ്റേഴ്‌സിനെ വീഴ്ത്താന്‍ കഴിയാതായി.
Last Updated : May 25, 2022, 5:27 PM IST