മുംബൈ:ഇന്ത്യന്‍ ഇതിഹാസങ്ങള്‍ വീണ്ടും ബാറ്റേന്തിയപ്പോള്‍ ബംഗ്ലാദേശ് ലെജന്‍ഡ്‌സിനെതിരെ അനായാസ ജയം. റായ്‌പൂരില്‍ പ്രായത്തെ തോല്‍പ്പിച്ച് തകര്‍പ്പന്‍ ബാറ്റിങ്ങുമായി വീരേന്ദ്ര സേവാഗും സച്ചിനും തിളങ്ങി.
സേവാഗ് അര്‍ദ്ധസെഞ്ച്വറിയോടെ 80 റണ്‍സെടുത്തപ്പോള്‍ 10 വിക്കറ്റിന്‍റെ ജയമാണ് ഇന്ത്യന്‍ ലെജന്‍ഡ്‌സ് സ്വന്തമാക്കിയത്. റോഡ്‌ സേഫ്‌റ്റി വേള്‍ഡ് സിരീസിന്‍റെ ഉദ്‌ഘാടന മത്സരത്തിലാണ് സച്ചിനൊപ്പം സേവാഗ് ക്രീസില്‍ നിറഞ്ഞാടിയത്. ടി20 ക്രിക്കറ്റില്‍ ഇരുവരും മികച്ച പ്രകടനമാണ് പുറത്തെടുത്തത്. 35 പന്തില്‍ അഞ്ച് സിക്‌സും 10 ബൗണ്ടറിയും ഉള്‍പ്പെടുന്നതായിരുന്നു സേവാഗിന്‍റെ ഇന്നിങ്സ്. സച്ചിന്‍ 26 പന്തില്‍ 33 റണ്‍സെടുത്തു.