ന്യൂഡല്‍ഹി: സയ്യിദ് മുഷ്താഖ് അലി ടി20 ടൂര്‍ണമെന്‍റില്‍ കേരളത്തിന് തോല്‍വിത്തുടക്കം. ആദ്യ മത്സരത്തില്‍ ഗുജറാത്തിനോടാണ് കേരളം ഒമ്പത് വിക്കറ്റിന്‍റെ കൂറ്റന്‍ തോല്‍വി വഴങ്ങിയത്.
ടോസ് നഷ്ടപ്പെട്ട് ബാറ്റുചെയ്യാനിറങ്ങിയ കേരളം നിശ്ചിത ഓവറില്‍ അഞ്ച് വിക്കറ്റ് നഷ്ടത്തില്‍ 123 റണ്‍സാണ് നേടിയത്. മറുപടിക്കിറങ്ങിയ ഗുജറാത്ത് 15.3 ഓവറില്‍ ഒരു വിക്കറ്റ് മാത്രം നഷ്ടപ്പെടുത്തി ലക്ഷ്യം മറികടന്നു. സ്കോര്‍: കേരളം- 123/5(20), ഗുജറാത്ത് 126/1(15.3)
നായകന്‍ പ്രിയങ്ക് പാഞ്ചലിന്‍റെ മികച്ച പ്രകടനമാണ് ഗുജറാത്തിന് അനായാസ വിജയം സമ്മാനിച്ചത്. 46 പന്തില്‍ 66 റണ്‍സാണ് പാഞ്ചല്‍ അടിച്ചെടുത്തത്. 40 പന്തില്‍ പുറത്താവാതെ 50 റണ്‍സെടുത്ത എസ് ഡി ചൗഹാന്‍റെ പ്രകടനവും നിര്‍ണായകമായി.