ഹൈദരാബാദ്: ഐപിഎൽ 15-ാം സീസണ് മുന്നോടിയായി പുതിയ ജേഴ്‌സ് പുറത്തിറക്കി സണ്‍റൈസേഴ്‌സ് ഹൈദരാബാദ്. ഓറഞ്ച് നിറത്തിന് കൂടുതൽ പ്രാധാന്യം നൽകിയാണ് പുതിയ ജേഴ്‌സി തയ്യാറാക്കിയിരിക്കുന്നത്. പഴയ ജേഴ്‌സിയിൽ നിന്ന് വ്യത്യസ്‌തമായി പൂർണമായും ഓറഞ്ച് കളർ പാന്‍റ്സാണ് ഇത്തവണ ഹൈദരാബാദ് അവതരിപ്പിച്ചിരിക്കുന്നത്.
പുത്തൻ ജേഴ്‌സി പോലെത്തന്നെ പുത്തൻ മാറ്റങ്ങളുമായാണ് ഹൈദരാബാദ് ഇത്തവണ ഐപിഎല്ലിനെത്തുന്നത്. ഒരു കൂട്ടം ഇതിഹാസ താരങ്ങളാണ് സണ്‍റൈസേഴ്‌സിന്‍റെ പരിശീലകരായെത്തുന്നത്. മുൻ ഓസീസ് താരം ടോം മൂഡി മുഖ്യ പരിശീലകനാകുന്ന ടീമിൽ വിൻഡീസ് ഇതിഹാസം ബ്രയാൻ ലാറയാണ് ബാറ്റിങ് പരിശീലകനായെത്തുന്നത്.