ധാക്ക : വെസ്റ്റിൻഡീസിനെതിരായ ടി20 പരമ്പര തോറ്റ് തുന്നംപാടിയതിന് പിന്നാലെ ബംഗ്ലാദേശ് പര്യടനത്തിലും ഓസ്ട്രേലിയക്ക് തോൽവിയോടെ തുടക്കം. ധാക്കയിൽ നടന്ന മത്സരത്തിൽ 23 റണ്‍സിനാണ് ഓസ്‌ട്രലിയയുടെ തോൽവി. ടി20യില്‍ ഓസ്ട്രേലിയക്കെതിരെ ബംഗ്ലാദേശിന്‍റെ ആദ്യ ജയമാണിത്. ഇതോടെ അഞ്ച് മത്സരങ്ങളുടെ പരമ്പരയിൽ ബംഗ്ലാദേശ് 1-0 ന് മുന്നിലെത്തി.
ടോസ് നഷ്ടപ്പെട്ട് ബാറ്റിങിനിറങ്ങിയ ബംഗ്ലാദേശിന് നിശ്ചിത 20 ഓവറിൽ ഏഴ് വിക്കറ്റ് നഷ്ടത്തിൽ 131 റണ്‍സേ നേടാനായുള്ളൂ. എന്നാൽ ചെറിയ സ്കോർ പിന്നിടാനിറങ്ങിയ ഓസീസ് പടയെ ബംഗ്ലാദേശ് സ്‌പിൻ കെണിയിൽ കറക്കി വീഴ്ത്തി 108 റണ്‍സിന് ഓള്‍ ഔട്ട് ആക്കുകയായിരുന്നു.