കേപ് ടൗണ്‍: ദക്ഷിണാഫ്രിക്കൻ ടി20 ലീഗിൽ നേരിട്ടുള്ള സൈനിങ്ങുകളിൽ അഞ്ച് സൂപ്പർ താരങ്ങളെ സ്വന്തമാക്കി റിലയൻസ് ഇൻഡസ്ട്രീസിന്‍റെ ടീമായ എംഐ കേപ് ടൗണ്‍. അഫ്‌ഗാനിസ്ഥാന്‍റെ സ്റ്റാർ സ്‌പിന്നർ റാഷിദ് ഖാൻ, ദക്ഷിണാഫ്രിക്കൻ പേസ് കുന്തമുന കഗിസോ റബാഡ, ഇംഗ്ലീഷ് ബാറ്റർ ലിയാം ലിവിംഗ്സ്റ്റൺ, ഇംഗ്ലാണ്ട് ഓൾറൗണ്ടർ സാം കറൻ, ദക്ഷിണാഫ്രിക്കൻ യുവതാരം ഡെവാൾഡ് ബ്രെവിസ് എന്നിവരെയാണ് എംഐ കേപ് ടൗണ്‍ സ്വന്തമാക്കിയത്.
'ആദ്യഘട്ടത്തിലെ താരങ്ങളുടെ നേരിട്ടുള്ള സൈനിങ്ങോടെ മികച്ച ടീമിനെ രൂപപ്പെടുത്തുന്നതിനുള്ള ആദ്യ ചുവടുവെയ്‌പ്പ് ഞങ്ങൾ സ്വീകരിച്ചു കഴിഞ്ഞു. ടീമിനെ ആസൂത്രണം ചെയ്യുന്നതിനുള്ള ശക്തമായ ഒരു കേന്ദ്രമാണിത്. റാഷിദ്, കാഗിസോ, ലിയാം, സാം എന്നിവരെ സ്വാഗതം ചെയ്യുന്നതിൽ എനിക്ക് സന്തോഷമുണ്ട്, കൂടാതെ ഈ പുതിയ യാത്രയിൽ ഡിവാൾഡ് ഞങ്ങളോടൊപ്പം തുടരുന്നതിൽ സന്തോഷമുണ്ട്'. ടീം ഉടമ ആകാശ് അംബാനി പറഞ്ഞു.