മുംബൈ: ഇന്ത്യന്‍ നയകന്‍ രോഹിത് ശര്‍മയുടെയും, മുന്‍ നായകന്‍ വിരാട് കോലിയുടെയും നിലവിലെ പ്രകടനങ്ങളില്‍ പ്രതികരണവുമായി ബിസിസിഐ പ്രസിഡന്‍റ് സൗരവ് ഗാംഗുലി. ഇരുവരും മികച്ച കളിക്കാരാണെന്ന് പറഞ്ഞ ഗാംഗുലി രണ്ട് താരങ്ങളും വൈകാതെ ഫോമിലേക്ക് മടങ്ങിയെത്തുമെന്ന പ്രതീക്ഷയും പങ്ക് വെച്ചു. ഒരു സ്വകാര്യ വാര്‍ത്ത ചാനലിന് നല്‍കിയ അഭിമുഖത്തിലായിരുന്നു ബിസിസിഐ പ്രസിഡന്‍റിന്‍റെ പ്രതികരണം.
വിരാട് കോലി എന്താണ് ഇപ്പോള്‍ ചിന്തിക്കുന്നതെന്ന് എനിക്കറിയില്ല. അദ്ദേഹം ഫോമിലേക്ക് തിരിച്ചെത്തി വീണ്ടും റണ്‍സടിച്ചുകൂട്ടുമെന്ന് എനിക്കുറപ്പുണ്ട്. മഹാനായ കളിക്കാരനാണ് അദ്ദേഹമെന്നും ഗാംഗുലി പറഞ്ഞു. ഐപിഎല്ലിന്‍റെ പതിനഞ്ചാം സീസണില്‍ 9 മത്സരങ്ങളില്‍ നിന്ന് 128 റണ്‍സ് മാത്രമാണ് വിരാട് കോലിയുടെ സമ്പാദ്യം.