ന്യൂഡല്‍ഹി: ഇന്ത്യന്‍ ഓപ്പണർ ശിഖർ ധവാൻ കൊവിഡ് വാക്സിന്‍റെ ഒന്നാമത്തെ ഡോസ് സ്വീകരിച്ചു. വ്യാഴാഴ്ചയാണ് ധവാന്‍ കൊവിഡ് വാക്സിന്‍ എടുത്തത്. കൊറോണ വൈറസിനെ പരാജയപ്പെടുത്താൻ ഇത് സഹായിക്കുമെന്നതിനാൽ എല്ലാവരും വാക്സിനെടുക്കണമെന്ന് താരം അഭ്യർഥിച്ചു.
'പ്രതിരോധ കുത്തിവയ്‌പ്പെടുത്തു, നമ്മുടെ എല്ലാ മുൻ‌നിര പോരാളികള്‍ക്കും, അവരുടെ ത്യാഗത്തിനും അർപ്പണബോധത്തിനും എത്ര നന്ദി പറഞ്ഞാലും മതിയാവില്ല. ദയവായി മടിക്കരുത്, എത്രയും വേഗം പ്രതിരോധ കുത്തിവയ്‌പ്പെടുക്കുക. അത് ഈ വൈറസിനെ പരാജയപ്പെടുത്താൻ സഹായിക്കും'- ധവാന്‍ ട്വീറ്റ് ചെയ്തു.