മുംബൈ : മലയാളികളുടെ അഭിമാനമായ ഇന്ത്യന്‍ ക്രിക്കറ്റര്‍ സഞ്‌ജു സാസംണ്‍ ഇന്ന് 28ാം പിറന്നാള്‍ ആഘോഷിക്കുകയാണ്. പ്രമുഖരുള്‍പ്പടെ നിരവധി ആരാധകരാണ് സഞ്‌ജുവിന് ആശംസകള്‍ നേര്‍ന്ന് രംഗത്തെത്തിയത്. ഇതിനിടെ 'വ്യത്യസ്തമായ' രീതിയില്‍ പിറന്നാള്‍ കേക്കുമുറിച്ച സഞ്ജുവിന്റെ വീഡിയോ സോഷ്യല്‍ മീഡിയയില്‍ ചിരി പടര്‍ത്തുകയാണ്.
സാധാരണയായി പിറന്നാള്‍ കേക്കില്‍ കത്തിച്ചുവച്ച മെഴുകുതിരികള്‍ ഊതിക്കെടുത്തിയ ശേഷമാണ് എല്ലാവരും ഇത് മുറിക്കാറുള്ളത്. എന്നാല്‍ ആദ്യം കേക്കുമുറിച്ച സഞ്‌ജു പിന്നീടാണ് മെഴുകുതിരികള്‍ ഊതിക്കെടുത്തിയത്. അബദ്ധം തിരിച്ചറിഞ്ഞ സഞ്‌ജു ചിരിക്കുന്നതാണ് വീഡിയോ.