കൊളംബോ:ശ്രീലങ്കന്‍ സര്‍ക്കാരിന് എതിരായ പ്രക്ഷോഭങ്ങള്‍ക്ക് പിന്തുണ അറിയിച്ച് ഇതിഹാസ ക്രിക്കറ്റ് താരങ്ങളായ സനത് ജയസൂര്യയും കുമാര്‍ സംഗക്കാരയും. പ്രക്ഷോഭകര്‍ക്കൊപ്പം ജയസൂര്യ തെരുവില്‍ ഇറങ്ങിയപ്പോള്‍, ട്വിറ്ററില്‍ ഇതുമായി ബന്ധപ്പെട്ട വീഡിയോ പങ്കുവച്ചാണ് സംഗക്കാരയുടെ പിന്തുണ.
ഇത് തങ്ങളുടെ ഭാവിയ്‌ക്ക് വേണ്ടിയാണെന്നാണ് വിഡിയോയ്‌ക്കൊപ്പം സംഗക്കാര കുറിച്ചത്. ലങ്കന്‍ പ്രസിഡന്‍റ് ഗോത്തബയ രജപക്‌സെയുടെ വസതി പ്രക്ഷോഭകര്‍ കയ്യടക്കിയപ്പോള്‍ ജയസൂര്യയും തെരുവിലുണ്ടായിരുന്നു. പ്രക്ഷോഭത്തിന്‍റെ ഭാഗമാണ് താനെന്നും ജനങ്ങളുടെ ആവശ്യങ്ങള്‍ക്കൊപ്പം താന്‍ നിലകൊള്ളുമെന്നും ജയസൂര്യ വാര്‍ത്ത ഏജന്‍സിയായ എഎന്‍ഐയോട് പറഞ്ഞു.