വെല്ലിങ്ടണ്‍ : ന്യൂസിലാൻഡ് ബാറ്റിങ് ഇതിഹാസം റോസ് ടെയ്‌ലർ അന്താരാഷ്‌ട്ര ക്രിക്കറ്റിൽ നിന്ന് വിരമിക്കുന്നു. തന്‍റെ 17 വർഷം നീണ്ട കരിയറിന് വിരമമിടാൻ ഒരുങ്ങുന്നതായി താരം തന്നെയാണ് സമൂഹ മാധ്യമങ്ങളിലൂടെ അറിയിച്ചത്. ന്യൂസിലാൻഡിൽ വച്ച് നടക്കുന്ന ബംഗ്ലാദേശിനെതിരായ പരമ്പരയിലൂടെ ടെസ്റ്റിൽ നിന്നും, ഓസ്ട്രേലിയ നെതർലാൻഡ് ടീമുകൾക്കെതിരായ പരമ്പരയോടെ എകദിനത്തിൽ നിന്നും താരം വിരമിക്കും.
2006ൽ കിവീസ് കുപ്പായമണിഞ്ഞ 37 കാരനായ റോസ് ടെയ്‌ലർ 110 ടെസ്റ്റിലും, 233 ഏകദിനങ്ങളിലും, 102 ടി20യിലും കളിച്ചിട്ടുണ്ട്. ന്യൂസിലാൻഡിന് വേണ്ടി ടെസ്റ്റിലും ഏകദിനത്തിലും ഏറ്റവുമധികം റണ്‍സ് നേടിയ താരം കൂടിയാണ് ടെയ്‌ലർ. കൂടാതെ കിവീസിന് വേണ്ടി ഏകദിനത്തിൽ ഏറ്റവുമധികം സെഞ്ച്വറി നേടിയ താരം എന്ന നേട്ടവും ടെയ്‌ലറുടെ പേരിലാണ്.