വെല്ലിംഗ്ടണ്: ഡ്രസിങ് റൂമില് സഹതാരങ്ങളില് നിന്നും ഒഫീഷ്യല്സില് നിന്നും കടുത്ത വംശീയാധിക്ഷേപം നേരിടേണ്ടി വന്നിട്ടുണ്ടെന്ന തുറന്നു പറച്ചിലുമായി ന്യൂസിലൻഡ് ക്രിക്കറ്റ് ഇതിഹാസം റോസ് ടെയ്ലർ. ന്യൂസിലൻഡിൽ ക്രിക്കറ്റ് എന്നത് വെള്ളക്കാരുടെ കായിക ഇനമാണെന്നും കരിയറിലുടനീളം താൻ വംശീയ അധിക്ഷേപങ്ങൾക്ക് ഇരയായിട്ടുണ്ടെന്നുമായിരുന്നു താരത്തിന്റെ വെളിപ്പെടുത്തൽ.
'റോസ് ടെയ്ലര് ബ്ലാക്ക് ആന്ഡ് വൈറ്റ്' എന്ന പേരില് പുറത്തിറക്കിയ ആത്മകഥയിലാണ് താരത്തിന്റെ ഞെട്ടിക്കുന്ന വെളിപ്പെടുത്തലുകള്. എന്റെ കരിയറിന്റെ ഭൂരിഭാഗവും ഞാൻ അസാധാരണത്വം നിറഞ്ഞൊരു മനുഷ്യനായിരുന്നു. വാനില ലൈൻ അപ്പിലെ തവിട്ട് മുഖമായിരുന്നു ഞാൻ. അതിന് അതിന്റേതായ വെല്ലുവിളികളുണ്ട്. അവയിൽ പലതും ടീമംഗങ്ങൾക്കോ ക്രിക്കറ്റ് സമൂഹത്തിനോ പ്രകടമാകുമായിരുന്നില്ല. ടെയ്ലർ കുറിച്ചു.
ഡ്രസിങ് റൂമിൽ നിന്ന് പലതരത്തിലുള്ള അധിക്ഷേപങ്ങൾ നേരിട്ടിട്ടുണ്ട്. 'നീ പകുതി നല്ലൊരു മനുഷ്യനാണ് റോസ്, എന്നാൽ ഏത് പകുതിയാണ് നല്ലത്? ഞാൻ എന്താണ് പരാമർശിക്കുന്നതെന്ന് നിങ്ങൾക്കറിയില്ല' എന്ന് ഒരു സഹതാരം എന്നോട് ചോദിക്കുമായിരുന്നു. എന്നാൽ അവർ എന്താണ് ഉദ്ദേശിച്ചത് എന്ന് എനിക്ക് മനസിലാകുമായിരുന്നു. ടെയ്ലർ പറഞ്ഞു.