ലണ്ടൻ: ഇന്ത്യന്‍ നായകന് രോഹിത് ശര്‍മ്മയ്‌ക്ക് കൊവിഡ് സ്ഥിരീകരിച്ചു. ശനിയാഴ്‌ച നടത്തിയ റാപ്പിഡ് ആന്‍റിജന്‍ ടെസ്റ്റില്‍ താരം കൊവിഡ് പോസിറ്റീവാണെന്ന് കണ്ടെത്തുകയായിരുന്നു. ഇതോടെ ലെസ്റ്റർഷെയറിനെതിരെ ചതുർ ദിന സന്നാഹ മത്സരത്തിൽ ഇന്ത്യൻ ടീമിന്‍റെ ഭാഗമായിരുന്ന രോഹിത് ക്വാറന്‍റൈനിൽ പോയി.
ലെസ്റ്റർഷെയറിനെതിരായ മത്സരത്തിൽ രോഹിത് കളിക്കുന്നുണ്ടെങ്കിലും മൂന്നാം ദിവസം ബാറ്റ് ചെയ്‌തിരുന്നില്ല. ആദ്യ ഇന്നിങ്‌സിൽ ഓപ്പൺ ചെയ്‌ത താരം 25 റൺസിന് പുറത്താകുകയായിരുന്നു. ജൂലൈ 1ന് ആരംഭിക്കുന്ന എഡ്‌ജ്‌ബാസ്റ്റൺ ടെസ്റ്റിന് മുൻപായി ഇന്ത്യന്‍ നായകന് സുഖം പ്രാപിച്ച് തിരിച്ചെത്താനാകുമോ എന്നത് സംശയത്തിലാണ്.