ദുബായ്‌ : ടി20 ലോകകപ്പിൽ വിൻഡീസിനെതിരായ ഇന്നത്തെ മത്സരത്തിൽ നിന്ന് പിൻമാറിയ ഓസ്ട്രേലിയൻ ഓപ്പണർ ക്വിന്‍റണ്‍ ഡി കോക്കിന്‍റെ നീക്കം വിവാദത്തിൽ. മത്സരത്തിന് തൊട്ടുമുൻപാണ് താരം ടീമിൽ നിന്ന് പിൻമാറുന്നതായി അറിയിച്ചത്.
വ്യക്തിപരമായ കാരണങ്ങൾ കൊണ്ടാണ് താരം മത്സരത്തില്‍ നിന്ന് അവസാന നിമിഷം പിൻമാറിയതെന്നാണ് ടോസ് വേളയിൽ വ്യക്‌തമാക്കിയത്. എന്നാൽ മത്സരത്തിന് തൊട്ടുമുൻപ് വർണവിവേചനത്തിനെതിരെ മുട്ടിലിരുന്ന് താരങ്ങൾ ഐക്യദാർഢ്യമർപ്പിക്കണമെന്ന് ദക്ഷിണാഫ്രിക്കൻ ക്രിക്കറ്റ് ബോർഡ് അറിയിച്ചിരുന്നു.
എന്നാൽ ഇതിനെതിരെ പ്രതിഷേധിച്ചാണ് താരം ടീമിൽ നിന്ന് പിൻമാറിയതെന്നാണ് ഇപ്പോൾ പുറത്തുവരുന്ന വാർത്തകൾ. താരം ടീമിലില്ല എന്നറിഞ്ഞപ്പോൾ മുൻ ഓസീസ് ഓൾറൗണ്ടർ ഷെയ്‌ൻ വാട്‌സണിന്‍റെ പ്രതികരണമാണ് ആദ്യം വിവാദങ്ങൾക്ക് തിരികൊളുത്തിയത്. 'വലിയ ഞെട്ടൽ, എന്തോ ആഭ്യന്തര പ്രശ്നം ദക്ഷിണാഫ്രിക്കൻ ടീമിൽ പുകയുന്നുണ്ട്' - എന്നായിരുന്നു വാട്‌സണ്‍ പ്രതികരിച്ചത്.