ന്യൂഡല്‍ഹി:ഇന്ത്യയ്‌ക്കെതിരായ ടി20 പരമ്പരയ്‌ക്കായി ദക്ഷിണാഫ്രിക്കന്‍ ക്രിക്കറ്റ് ടീം ഡല്‍ഹിയിലെത്തി. വൈറ്റ് ബോൾ ക്യാപ്റ്റൻ ടെംബ ബവുമയുടെ നേതൃത്വത്തിലുള്ള പ്രോട്ടീസ് സംഘം വ്യാഴാഴ്‌ച (02.06.22) രാവിലെയാണ് ഡല്‍ഹിയിലെത്തിയത്. കളിക്കാര്‍ക്ക് ബയോ ബബിൾ ഉണ്ടാകില്ലെന്നും എന്നാല്‍ പതിവായി കൊവിഡ് പരിശോധനയ്‌ക്ക് വിധേയരാക്കുമെന്നും ബിസിസിഐ നേരത്തെ തന്നെ വ്യക്തമാക്കിയിരുന്നു.
ടെംബ ബവുമയും സംഘവും ഡല്‍ഹിയിലെത്തി; ടി20 പോരാട്ടത്തിന് ഇനി ഏഴ്‌ നാള്‍ മാത്രം
വെള്ളിയാഴ്‌ച തന്നെ പ്രോട്ടീസ് സംഘം (ജൂൺ 3) പരിശീലനം ആരംഭിക്കും. അതേസമയം ഇന്ത്യൻ ടീം ജൂൺ അഞ്ചിനാണ് ഡല്‍ഹിയില്‍ ഒത്തുചേരുക. രണ്ട് മാസം നീണ്ട ഐപിഎല്ലിന് ശേഷമുള്ള ഇടവേളയിലാണ് ഇന്ത്യൻ ക്രിക്കറ്റ് താരങ്ങൾ.