കറാച്ചി: പാക് പേസര്‍ അൻവർ അലിക്ക് കൊവിഡ് സ്ഥിരീകരിച്ചു. പാകിസ്ഥാൻ സൂപ്പർ ലീഗിലെ (പി‌എസ്‌എൽ) ബാക്കിയുള്ള മത്സരങ്ങള്‍ക്കായി അബുദാബിയിലേക്ക് പോകാനിരിക്കെയാണ് ക്വറ്റ ഗ്ലാഡിയേറ്റേഴ്സ് താരത്തിന് കൊവിഡ് സ്ഥിരീകരിച്ചത്.
ബുധനാഴ്ചയാണ് ടീമിന്‍റെ യാത്ര നിശ്ചയിച്ചിരുന്നു. ഇതിനുമുന്നോടിയായി നടത്തിയ പരിശോധനയിലാണ് അന്‍വറിന് കൊവിഡ് സ്ഥിരീകരിച്ചതെന്ന് അധികൃതര്‍ അറിയിച്ചു. ഇതോടെ താരത്തിന് 10 ദിവസത്തെ നിരീക്ഷണത്തില്‍ കഴിയേണ്ടി വരും. അതേസമയം കൊവിഡ് പ്രോട്ടോക്കോള്‍ ലംഘിച്ചതിനെ തുര്‍ന്ന് ഗ്ലാഡിയേറ്റേഴ്‌സിന്‍റെ മറ്റൊരു പേസര്‍ നസീം ഷാ തിങ്കളാഴ്ച പുറത്താക്കിയിരുന്നു.