ഇസ്ലാമാബാദ്: ഏകദിന ലോകകപ്പിനുള്ള (ODI World Cup 2023) സ്‌ക്വാഡ് പ്രഖ്യാപിച്ച് പാകിസ്ഥാന്‍ (ODI World Cup 2023 Pakistan Squad). ബാബര്‍ അസമിന്‍റെ (Babar Azam) നേതൃത്വത്തിലുള്ള 15 അംഗ ടീമിനെയാണ് പാകിസ്ഥാന്‍ ക്രിക്കറ്റ് ബോര്‍ഡ് (Pakistan cricket Board) ഏകദിന ലോകകപ്പിനായി തെരഞ്ഞെടുത്തിരിക്കുന്നത്. ഏഷ്യ കപ്പിനിടെ (Asia Cup 2023) പരിക്കേറ്റ യുവ പേസര്‍ നസീം ഷായ്‌ക്ക് ടീമില്‍ ഇടം നേടാനായില്ല.
ചിരവൈരികളായ ഇന്ത്യയ്‌ക്ക് (India vs Pakistan) എതിരായ സൂപ്പര്‍ ഫോര്‍ മത്സരത്തിനിടെ വലത് തോളിനായിരുന്നു 20-കാരന് പരിക്കേറ്റിരുന്നത്. പേസർ ഹസൻ അലിയാണ് നസീമിന്‍റെ പകരക്കാരന്‍ (Hasan Ali replaced Naseem Shah in Pakistan ODI World Cup 2023 Squad). ലോകകപ്പില്‍ നിന്നുമുള്ള നസീം ഷായുടെ പുറത്താവല്‍ പാകിസ്ഥാന്‍ കനത്ത തിരിച്ചടിയാണ്.
ഏഷ്യ കപ്പ് സ്‌ക്വാഡിന്‍റെ ഭാഗമായിരുന്ന ഫഹീം അഷ്‌റഫ്, മുഹമ്മദ് ഹാരിസ്, സമാൻ ഖാൻ എന്നിവര്‍ക്ക് ടീമില്‍ നിന്നും സ്ഥാനം നഷ്‌ടമായി. ബാബർ അസം, ഫഖർ സമാന്‍, ഇമാം ഉൾ ഹഖ്, മുഹമ്മദ് റിസ്‌വാന്‍, ഇഫ്തിഖർ അഹമ്മദ്, സൽമാൻ ആഗ എന്നിവരാണ് ടീമിലെ പ്രധാന ബാറ്റര്‍മാര്‍. യുവ താരങ്ങളായ അബ്ദുല്ല ഷഫീഖ്, സൗദ് ഷക്കീലും ബാറ്റിങ് യൂണിറ്റിന്‍റെ ഭാഗമാണ്.