സതാംപ്ടണ്‍: പ്രഥമ ടെസ്‌റ്റ് ചാമ്പ്യൻഷിപ്പ് കിരീടം ന്യൂസിലൻഡിന്. രണ്ടാം ഇന്നിങ്‌സില്‍ ഇന്ത്യ ഉയർത്തിയ 139 റണ്‍സ് വിജയലക്ഷ്യം രണ്ട് വിക്കറ്റ് മാത്രം നഷ്‌ടപ്പെടുത്തി കിവീസ് മറികടന്നു. സ്‌കോര്‍ ഇന്ത്യ - 217,170 ന്യൂസിലൻഡ് 279, 140-2.
139 റണ്‍സെന്ന ലക്ഷ്യത്തിലേക്ക് നീങ്ങുമ്പോള്‍ ന്യൂസിലൻഡിന് മുന്നിലുണ്ടായിരുന്ന ഏക വെല്ലുവിളി കളിയിലൂടനീളം നിറഞ്ഞുനിന്ന കാലാവസ്ഥ പ്രശ്‌നങ്ങളായിരുന്നു. എന്നാല്‍ മഴയെ വെളിച്ചക്കുറവോ അവസാന ദിനത്തെ കളിക്ക് തടസമായില്ല. കരുതലോടെ ബാറ്റിങ് ആരംഭിച്ച കിവീസില്‍ സ്‌കോര്‍ ബോർഡ് 44ല്‍ എത്തിയപ്പോഴേക്കും ഓപ്പണർമാരെ നഷ്‌ടമായി. 19 റണ്‍സെടുത്ത കോണ്‍വെയും 9 റണ്‍സെടുത്ത ടോം ലഥാമും പുറത്ത്. അശ്വിനാണ് രണ്ട് വിക്കറ്റും വീഴ്‌ത്തിയത്.
also read: 'ഇതിലും നന്നായി ബാറ്റ് ചെയ്യാമായിരുന്നു'; ഇന്ത്യന്‍ താരങ്ങള്‍ നിരാശപ്പെടുത്തിയെന്ന് ഗവാസ്‌കര്‍
എന്നാലെ പിന്നാലെയെത്തിയ ക്യാപ്‌റ്റണ്‍ വില്യംസണും റോസ്‌ ടെയ്‌ലറും ഉത്തരവാദിത്തത്തോടെ കളിച്ചപ്പോള്‍ 45.5 ഓവറില്‍ ന്യൂസിലൻഡ് ലക്ഷ്യം കടന്നു. 52 റണ്‍സെടുത്ത വില്യംസണും 47 റണ്‍സെടുത്ത ടെയ്‌ലറും ക്രീസില്‍ ഉറച്ചുനിന്നു.