വെല്ലിങ്‌ടണ്‍ :ഒരു ഇന്നിങ്സില്‍ 10 വിക്കറ്റ് നേടിയ മത്സരത്തിൽ ധരിച്ച ജഴ്‌സി ലേലത്തിന് വച്ച് ന്യൂസിലാൻഡ് സ്‌പിന്നർ അജാസ് പട്ടേൽ. ന്യൂസിലാൻഡിലെ നാഷണൽ ചിൽഡ്രൻസ് ഹോസ്പിറ്റലിലെ സ്റ്റാർഷിപ്പ് റേഡിയോളജി ഡിപ്പാർട്ട്‌മെന്‍റിന് വേണ്ടി പണം കണ്ടെത്താനാണ് ലേലമെന്ന് അജാസ് അറിയിച്ചു.
തന്‍റെ ജഴ്‌സി ലേലം ചെയ്യുന്നതിലൂടെ കുട്ടികളേയും അവരുടെ കുടുംബങ്ങളേയും സഹായിക്കാന്‍ ആവശ്യമായ പണം കണ്ടെത്താന്‍ കഴിയുമെന്ന് പ്രതീക്ഷിയെന്നും 33കാരനായ അജാസ് ഇൻസ്റ്റഗ്രാമില്‍ കുറിച്ചു. ഇന്ത്യൻ പര്യടനത്തിൽ കളിച്ച ടെസ്റ്റ് സ്ക്വാഡിലെ മുഴുവൻ അംഗങ്ങളും ഒപ്പുവച്ച ജഴ്‌സിയാണിത്.