ദുബായ്‌: 2021ലെ ഐസിസിയുടെ ഏറ്റവും മികച്ച ടി20 ബാറ്റ്സ്‌മാനുള്ള പുരസ്‌കാരം പാകിസ്ഥാന്‍റെ വിക്കറ്റ് കീപ്പർ ബാറ്റർ മുഹമ്മദ് റിസ്വാന്. കഴിഞ്ഞ വർഷം ബാറ്റിങ്ങിലും ഫീൽഡിങ്ങിലും പുറത്തെടുത്ത പ്രകടനങ്ങളെ അടിസ്ഥാനമാക്കിയാണ് പുരസ്‌കാരം താരത്തെ തേടിയെത്തിയത്. ആദ്യമായാണ് റിസ്വാൻ ഈ പുരസ്‌കാരത്തിന് അർഹനാകുന്നത്.
2021ൽ 29 അന്താരാഷ്‌ട്ര ടി20 മത്സരങ്ങളിൽ നിന്നായി 73.66 ശരാശരിയിൽ 1326 റണ്‍സാണ് റിസ്വാൻ അടിച്ച് കൂട്ടിയത്. 134.89 ആണ് സ്ട്രൈക്ക്റേറ്റ്. ഇതിൽ ദക്ഷിണാഫ്രിക്കക്കെതിരെ നേടിയ സെഞ്ച്വറിയും ഉൾപ്പെടുന്നു. പിന്നാലെ വെസ്റ്റ് ഇൻഡീസിനെതിരെ 87 റണ്‍സും താരം നേടിയിരുന്നു.