ന്യൂഡല്‍ഹി : കൊവിഡ് സാഹചര്യത്തില്‍ ടി20 ലോകകപ്പ് ഇന്ത്യയിൽ നിന്നും യുഎഇയിലേക്ക് മാറ്റേണ്ടിവന്നേക്കാമെന്ന് ബോർഡ് ഓഫ് കൺട്രോൾ ഫോര്‍ ക്രിക്കറ്റ് ഇന്ത്യ (ബിസിസിഐ) സെക്രട്ടറി ജയ് ഷാ. സ്ഥിതിഗതികൾ സൂക്ഷ്മമായി നിരീക്ഷിച്ചുകൊണ്ടിരിക്കുകയാണെന്നും അദ്ദേഹം വ്യക്തമാക്കി.
കളിക്കാരുടെ ആരോഗ്യവും സുരക്ഷയും പരമപ്രധാനമാണ്, ഇത് കണക്കിലെടുത്താകും ടൂര്‍ണമെന്‍റ് നടത്തിപ്പില്‍ അന്തിമ തീരുമാനമെടുക്കുകയെന്നും അദ്ദേഹം കൂട്ടിച്ചേര്‍ത്തു. ഒക്ടോബര്‍, നവംബര്‍ മാസങ്ങളിലാണ് ടി20 ലോകകപ്പ് നടക്കുക. അതേസമയം ബാക്കിയുള്ള ഐപിഎല്‍ മത്സരങ്ങളും യുഎഇയിലാണ് പൂര്‍ത്തിയാക്കുക.