ഐപിഎല്ലിന്‍റെ 15-ാം സീസണിൽ പുതുതായി ചേർക്കപ്പെട്ട ടീമുകളിലൊന്നായ ലഖ്‌നൗ തങ്ങളുടെ ടീമിന് പേരിട്ടു. 'ലഖ്‌നൗ സൂപ്പർ ജയന്‍റ്സ്' എന്നാണ് ടീമിന്റെ പേര്. ടീമിന് പേര് കണ്ടുപിടിക്കുന്നതിനായി ഓണ്‍ലൈനായി ജനങ്ങളിൽ നിന്ന് ആർ.പി.ജി ഗ്രൂപ്പ് അഭിപ്രായങ്ങൾ തേടിയിരുന്നു. ഇതിൽ നിന്നാണ് ടീം പേര് കണ്ടുപിടിച്ചത്.
ഇന്ത്യൻ സൂപ്പർ താരം കെഎൽ രാഹുൽ നായകനായി എത്തുന്ന ടീമിനെ 7090 കോടി രൂപക്കാണ് ആർപി.ജി ഗ്രൂപ്പ് സ്വന്തമാക്കിയത്. രാഹുലിനെ 17 കോടി രൂപക്കാണ് ടീമിലേക്ക് എത്തിച്ചത്. രാഹുലിനെക്കൂടാതെ ഓസീസ് ഓൾറൗണ്ടർ മാർക്ക് സ്റ്റോയിൻസിനേയും, ഇന്ത്യൻ സ്‌പിന്നർ രവി ബിഷ്‌ണോയിയേയും ലഖ്‌നൗ സ്വന്തമാക്കിയിട്ടുണ്ട്.