ലിമ :ലോക ജൂനിയർ ഷൂട്ടിങ് ചാമ്പ്യൻഷിപ്പിൽ മൂന്നാം സ്വർണം കൊയ്‌ത് ഇന്ത്യൻ താരം മനു ഭാക്കർ. 10 മീറ്റർ എയർ പിസ്റ്റൾ മിക്‌സഡ് ടീം ഇനത്തിൽ സരബ്ജോത് സിങ്ങുമായി ചേർന്നാണ് താരം മൂന്നാം സ്വർണം നേടിയത്. മെഡൽ പട്ടികയിൽ ആറ് സ്വർണം, ആറ് വെള്ളി, രണ്ട് വെങ്കലം എന്നിവയുൾപ്പെടെ 14 മെഡലുമായി ഒന്നാം സ്ഥാനത്താണ് ഇന്ത്യ.
നേരത്തെ 10 മീറ്റർ എയർ പിസ്റ്റൾ വനിത വിഭാഗം ടീമിനത്തിലും വ്യക്‌തിഗത വിഭാഗത്തിലും മനു ഭാക്കർ സ്വർണം നേടിയിരുന്നു. വനിത ടീമിനത്തിൽ റിതം സാങ്വാൻ, ശിഖ നർവാൾ എന്നിവരുമായി ചേർന്ന് ബെലാറസിനെതിരെ 16-12 നായിരുന്നു മനുവിന്‍റെ സ്വർണനേട്ടം.