ബ്രിസ്‌ബേൻ: ഓസ്ട്രേലിയക്കെതിരായ ഒന്നാം ആഷസ് ടെസ്റ്റിലെ തകർപ്പൻ പ്രകടനത്തിലൂടെ പുത്തൻ റെക്കോഡ് സ്വന്തമാക്കി ഇംഗ്ലണ്ട് നായകൻ ജോ റൂട്ട്. ടെസ്റ്റിൽ ഒരു കലണ്ടർ വർഷം ഏറ്റവുമധികം റണ്‍സ് നേടുന്ന താരമെന്ന നേട്ടമാണ് റൂട്ട് സ്വന്തം പേരിൽ കുറിച്ചത്.
മുന്‍ ക്യാപ്റ്റന്‍ മൈക്കിള്‍ വോണ്‍ 2002ൽ വോണ്‍ നേടിയ 1481റണ്‍സ് എന്ന നേട്ടമാണ് ആഷസ് ടെസ്റ്റിലെ മൂന്നാം ദിനം റൂട്ട് മറികടന്നത്. ഇന്നിങ്സിൽ പുറത്താവാതെ 86 റണ്‍സ് നേടിയ റൂട്ടിന്‍റെ അക്കൗണ്ടിൽ ഇപ്പോൾ 1541 റണ്‍സുണ്ട്.
25 ഇന്നിങ്സുകളിൽ നിന്ന് ആറ് സെഞ്ച്വറികൾ ഉൾപ്പെടെ 67 റണ്‍സ് ശരാശരിയിലാണ് റൂട്ട് ഈ നേട്ടം സ്വന്തമാക്കിയത്. 22 റണ്‍സ് കൂടി നേടിയാൽ റൂട്ടിന് ഇന്ത്യൻ ഇതിഹാസം സച്ചിൻ ടെൻഡുൽക്കറെ മറികടക്കാൻ സാധിക്കും. 2010 ൽ 1562 റണ്‍സാണ് സച്ചിൻ അടിച്ചുകൂട്ടിയത്.