ധാക്ക: ഐപിഎല്‍ മാറ്റിവച്ചതിനെ തുടര്‍ന്ന് കൊൽക്കത്ത നൈറ്റ് റൈഡേഴ്സ് ഓൾ‌റൗണ്ടർ ഷാക്കിബ് അൽ ഹസൻ, രാജസ്ഥാൻ റോയൽ‌സ് പേസർ മുസ്തഫിസുർ റഹ്മാൻ എന്നിവർ വ്യാഴാഴ്ച ബംഗ്ലാദേശിലെത്തി. ഇക്കാര്യമറിയിച്ച് മുസ്തഫിസുർ റഹ്മാൻ, വിമാനത്തില്‍ നിന്നെടുത്ത ചിത്രം സഹിതം ട്വീറ്റ് ചെയ്തിട്ടുണ്ട്. സ്വദേശത്തേക്ക് തിരിച്ചെത്തിച്ചതിന് ദെെവത്തിനും ഇരു ഫ്രാഞ്ചെെസികള്‍ക്കും നന്ദി പറയുന്നതായും മുസ്തഫിസുറിന്‍റെ ട്വീറ്റില്‍ പറയുന്നു.
'ദെെവത്തിന് സ്തുതി, ഒരു കുഴപ്പവുമില്ലാതെ ഞങ്ങൾ ബംഗ്ലാദേശിൽ സുരക്ഷിതമായി തിരിച്ചെത്തി. ഇതിന് സഹായിച്ച രാജസ്ഥാൻ റോയല്‍സിനും കൊൽക്കത്ത നൈറ്റ് റൈഡേഴ്സിനും നന്ദി.നിര്‍ദേശങ്ങള്‍ നല്‍കിയ ഞങ്ങളുടെ ആരോഗ്യ മന്ത്രാലയത്തിനും നന്ദി'- മുസ്തഫിസുർ ട്വീറ്റ് ചെയ്തു.