പൂനെ : സൺ റൈസേഴ്‌സ് ഹൈദരാബാദിനെതിരെ തകർപ്പൻ പ്രകടനമാണ് മലയാളി താരങ്ങളായ സഞ്ജു സാംസണും ദേവ്ദത്ത് പടിക്കലും പുറത്തെടുത്തത്. ഇരുവരും 73 റണ്‍സാണ് കൂട്ടിച്ചേര്‍ത്തത്. 27 പന്തില്‍ അഞ്ച് സിക്‌സും മൂന്ന് ഫോറും ഉള്‍പ്പടെ 55 റണ്‍സ് നേടിയ സഞ്ജു മത്സരത്തിലെ താരമായി. 29 പന്തില്‍ 41 റണ്‍സ് നേടിയ പടിക്കല്‍ നിര്‍ണായക സംഭാവന നല്‍കി.
സഞ്ജു മത്സരങ്ങൾക്കിടയിൽ മലയാളത്തിൽ സംസാരിക്കുന്നത് പതിവാണ്. കഴിഞ്ഞ ദിവസം ഹെെദരാബാദിനെതിരായ മത്സരത്തിൽ സഹകളിക്കാരോട് മലയാളം പറയുന്ന സഞ്ജുവിന്‍റെ വീഡിയോ വെെറലായിരിക്കകയാണ്. ഫീൽഡിങ്ങിനിടെ സഞ്ജു സാംസണും ദേവ്ദത്ത് പടിക്കലും മലയാളത്തിൽ സംസാരിച്ചതാണ് ഇപ്പോൾ മലയാളി ആരാധകര്‍ക്ക് കൗതുകമായിരിക്കുന്നത്.