ദുബായ്: ഐപിഎല്ലിന്‍റെ രണ്ടാം പാദത്തില്‍ നിന്നും പിന്മാറിയ ഇംഗ്ലണ്ട് താരങ്ങള്‍ക്ക് പകരക്കാരെ പ്രഖ്യാപിച്ച് രാജസ്ഥാൻ റോയൽസ്. വെസ്റ്റ്ഇൻഡീസ് താരങ്ങളായ എവിൻ ലൂയിസിനേയും ഒഷേൻ തോമസിനേയുമാണ് ടീം കൂടാരത്തിലെത്തിച്ചിരിക്കുന്നത്.
നേരത്തെ 2019ല്‍ രാജസ്ഥാന് വേണ്ടി കളിച്ചിട്ടുള്ള ഒഷേൻ നാല് മത്സരങ്ങളിൽ നിന്നും അഞ്ച് വിക്കറ്റുകള്‍ നേടിയിട്ടുണ്ട്. വിന്‍ഡീസിനായി 20 ഏകദിനങ്ങളില്‍ നിന്നും 27 വിക്കറ്റും, 17 ടി20 കളില്‍ 19 വിക്കറ്റും താരം നേടിയിട്ടുണ്ട്.
അതേസമയം ഐപിഎല്ലില്‍ മുംബൈ ഇന്ത്യന്‍സിനായാണ് എവിൻ ലൂയിസ് കളത്തിലിറങ്ങിയത്. ഐപിഎല്ലില്‍ 16 മത്സരങ്ങളിൽ നിന്നായി 430 റൺസ് താരം കണ്ടെത്തിയിട്ടുണ്ട്. വിന്‍ഡീസിനായി 57 ഏകദിനങ്ങളില്‍ നിന്നായി 1847 റണ്‍സും 45 ടി20 മത്സരങ്ങളില്‍ നിന്നായി 1318 റൺസും താരം കണ്ടെത്തിയിട്ടുണ്ട്.