ദുബൈ: ഇന്ത്യന്‍ ടി20 ടീമിന്‍റെ ക്യാപ്റ്റന്‍സി ഒഴിയാൻ തീരുമാനിച്ചതിന് പിന്നാലെ റോയല്‍ ചലഞ്ചേഴ്‌സ് ബാംഗ്ലൂര്‍ നായകസ്ഥാനവും ഒഴിയുമെന്ന പ്രഖ്യാപനവുമായി വിരാട് കോലി. ഈ സീസണിന് ശേഷം സ്ഥാനം ഒഴിയാനാണ് തീരുമാനം. ടീമിന്‍റെ ഔദ്യോഗിക ട്വിറ്റർ അക്കൗണ്ടിലൂടെയായിരുന്നു പ്രഖ്യാപനം.
ഐപിഎല്ലില്‍ തന്‍റെ അവസാന മത്സരം വരെ ആര്‍സിബി താരമായി തുടരുമെന്ന് താരം അറിയിച്ചു. ഇതുവരെ നൽകിയ വിശ്വാസത്തിനും പിന്തുണയ്‌ക്കും ആരാധകര്‍ക്കും നന്നി പറയുന്നുവെന്നും കോലി വീഡിയോയിലൂടെ അറിയിച്ചു. ജോലിഭാരം കൂടുന്നതിനാലാണ് ക്യാപ്റ്റന്‍ സ്ഥാനത്ത് മാറുന്നതെന്ന് താരം താരം വ്യക്തമാക്കിയിട്ടുണ്ട്.