ന്യൂഡല്‍ഹി: കൊല്‍ക്കത്ത നൈറ്റ് റൈഡേഴ്‌സിന്‍റെ ഇന്ത്യന്‍ പേസര്‍ പ്രസിദ്ധ് കൃഷ്ണയ്ക്ക് കൊവിഡ് സ്ഥിരീകരിച്ചു. ടീമില്‍ ഇന്ന് രോഗം സ്ഥിരീകരിച്ച രണ്ടാമത്തെ താരമാണ് പ്രസിദ്ധ്. ന്യൂസീലന്‍റ് ബാറ്റ്‌സ്മാന്‍ ടിം സെയ്‌ഫേര്‍ട്ടിനാണ് രാവിലെയോടെ കൊവിഡ് സ്ഥിരീകരിച്ചിരുന്നത്.
അതേസമയം വരാനിരിക്കുന്ന ലോക ടെസ്റ്റ് ചാമ്പ്യന്‍ഷിപ്പ് ഫെെനലിനും, ഇംഗ്ലണ്ടിനെതിരായ അഞ്ച് ടെസ്റ്റുകളടങ്ങിയ പരമ്പരയിലും സ്റ്റാന്‍റ് ബെെ താരമായി പ്രസിദ്ധിനെ കഴിഞ്ഞ ദിവസം ബിസിസിഐ ഉള്‍പ്പെടുത്തിയിരുന്നു. എന്നാല്‍ ന്യൂസീലന്‍റ് താരങ്ങള്‍ക്കൊപ്പം നാട്ടിലേക്ക് മടങ്ങാന്‍ ഒരുങ്ങവേയാണ് സെയ്‌ഫേര്‍ട്ടിന് കൊവിഡ് സ്ഥിരീകരിച്ചത്.