മുംബൈ : ഐപിഎല്ലില്‍ നിര്‍ണായക പോരാട്ടത്തിൽ ഡല്‍ഹി കാപിറ്റല്‍സിനെതിരെ പഞ്ചാബ് കിംഗ്‌സിന് 160 റണ്‍സ് വിജയലക്ഷ്യം. ടോസ് നഷ്‌ടമായി ബാറ്റിംഗിനെത്തിയ ഡല്‍ഹിക്ക് 48 പന്തില്‍ 63 റൺസെടുത്ത മിച്ചല്‍ മാര്‍ഷിന്‍റെ ഇന്നിംഗ്‌സാണ് തുണയായത്. നാല് ഓവറില്‍ 27 റണ്‍സ് മാത്രം വഴങ്ങി മൂന്ന് വിക്കറ്റെടുത്ത ലിയാം ലിവിംഗ്‌സ്റ്റാനാണ് ഡല്‍ഹിയെ തകര്‍ത്തത്.
ടോസ് നഷ്‌ടപ്പെട്ട് ബാറ്റിംഗിനെത്തിയ ഡല്‍ഹിക്ക് ആദ്യ പന്തില്‍ വാര്‍ണറെ നഷ്‌ടമായി. പിന്നീട് ഓപ്പണറായ സര്‍ഫറാസിനൊപ്പം ചേർന്ന മാര്‍ഷിന്‍റെ ഇന്നിംഗ്‌സാണ് തുടക്കത്തിലെ തകര്‍ച്ചയില്‍ നിന്ന് ഡല്‍ഹിയെ കരകയറ്റിയത്. 16 പന്തില്‍ ഒരു സിക്‌സും അഞ്ച് ഫോറും അടക്കം 32 റൺസ് അടങ്ങിയതാണ് സര്‍ഫറാസിന്‍റെ ഇന്നിംഗ്‌സ്.