നവി മുംബൈ: ഇന്ത്യൻ സൂപ്പർ ലീഗിൽ നിലവിലെ ചാമ്പ്യൻമാരായ ചെന്നൈ സൂപ്പർ കിംഗ്‌സ് ഇന്ന് സൺറൈസേഴ്‌സ് ഹൈദരാബാദിനെ നേരിടും. വൈകിട്ട് 3.30ന് മുംബൈയിലെ ഡിവൈ പാട്ടീൽ സ്റ്റേഡിയത്തിലാണ് മത്സരം. ആദ്യ ജയം ലക്ഷ്യമിട്ടാണ് ഇരുടീമും ഇറങ്ങുന്നത്.
ധോണി നായകസ്ഥാനം ഒഴിഞ്ഞതിന് പിന്നാലെ നായകനായ ജഡേജയ്‌ക്ക് കീഴിലിറങ്ങുന്ന ചെന്നൈ ആദ്യ മൂന്ന് കളിയിലും തോറ്റു. കഴിഞ്ഞ സീസണിൽ നിന്ന് ഏറെയെന്നും മുന്നോട്ട് പോയിട്ടില്ലെന്ന് വ്യക്തമാക്കുന്നതാണ് ആദ്യ രണ്ടു കളിയിൽ ഹൈദരാബാദിന്‍റെ പ്രകടനം. ഹൈദരാബാദ് രണ്ട് കളിയിലും തോറ്റിരുന്നു.
കഴിഞ്ഞ സീസണിലെ ടോപ് സ്കോററായ ഋതുരാജ് ഗെയ്‌ക്വാദിന് ഇതുവരെ ഫോമിലേക്ക് എത്താനായിട്ടില്ല എന്നത് ചെന്നൈയ്‌ക്ക് കനത്ത തലവേദനയാണ്. റോബിന്‍ ഉത്തപ്പക്കും സ്ഥിരതയില്ല. ശിവം ദുബെ ബാറ്റുകൊണ്ട് ഭേദപ്പെട്ട് നില്‍ക്കുമ്പോള്‍ പന്തുകൊണ്ട് ചെണ്ടയാണ്.