ദുബായ്‌ :തുടർച്ചയായ മൂന്നാം ഐപിഎല്‍ കിരീടം ലക്ഷ്യമിട്ടിറങ്ങിയ മുംബൈ ഇന്ത്യൻസ് പ്ലേ ഓഫ് കാണാതെ പുറത്ത്. സണ്‍റൈസേഴ്‌സ് ഹൈദരാബാദിനെതിരെ 236 റണ്‍സിന്‍റെ കുറ്റൻ സ്കോർ പടുത്തുയർത്തിയ മുംബൈക്ക് 65 റണ്‍സിനുള്ളിൽ ഹൈദരാബാദിനെ എറിഞ്ഞൊതുക്കണമായിരുന്നു. എന്നാൽ ഹൈദരാബാദ് ഓപ്പണർമാർ പിടിമുറുക്കിയതോടെ മുംബൈയുടെ പ്ലേ ഓഫ് മോഹങ്ങൾ അവസാനിച്ചു.
നിലവിൽ 13 മത്സരങ്ങളിൽ നിന്ന് 12 പോയിന്‍റുമായി ആറാം സ്ഥാനത്താണ് മുംബൈ. +0.587 ആണ് നാലാമതുള്ള കൊൽക്കത്തയുടെ റണ്‍ റേറ്റ്. മുംബൈയുടേതാവട്ടെ -0.048 ഉം. അതിനാൽ തന്നെ ഇന്ന് ഹൈദരാബാദിനെതിരെ 171 റണ്‍സിന്‍റെ വിജയം സ്വന്തമാക്കിയാൽ മാത്രമേ മുംബൈക്ക് പ്ലേ ഓഫിൽ കടക്കാൻ സാധിക്കുമായിരുന്നുള്ളു.