ഷാര്‍ജ: ഐപിഎല്ലിലെ രണ്ടാം ക്വാളിഫയര്‍ മത്സരത്തില്‍ ഡല്‍ഹി ക്യാപിറ്റല്‍സിനെതിരെ കൊല്‍ക്കത്ത നൈറ്റ് റൈഡേഴ്‌സിന് 136 റണ്‍സ് വിജയ ലക്ഷ്യം. ടോസ് നഷ്ടപ്പെട്ട് ആദ്യം ബാറ്റുചെയ്യാനിറങ്ങിയ ഡല്‍ഹി നിശ്ചിത ഓവറില്‍ അഞ്ച് വിക്കറ്റുകള്‍ നഷ്‌ടപ്പെടുത്തിയാണ് 135 റണ്‍സെടുത്തത്. മികച്ച രീതിയില്‍ പന്തെറിഞ്ഞ കൊല്‍ക്കത്ത ബൗളര്‍മാരാണ് ഡല്‍ഹിയെ ചെറിയ സ്‌കോറിന് ഒതുക്കിയത്.
39 പന്തില്‍ 36 റണ്‍സെടുത്ത ശിഖര്‍ ധവാനാണ് ഡല്‍ഹിയുടെ ടോപ് സ്കോറര്‍. ശ്രേയസ് അയ്യര്‍ ( 27 പന്തില്‍ 30*) അക്‌സര്‍ പട്ടേല്‍ (4 പന്തില്‍ 4* ) പൃഥ്വി ഷാ (12 പന്തില്‍ 18), മാര്‍ക്കസ് സ്റ്റോയിനസ് (23 പന്തില്‍ 18), റിഷഭ്‌ പന്ത് (6 പന്തില്‍ 6) ഷിമ്രോൺ ഹെറ്റ്‌മെയർ (10 പന്തില്‍ 17) എന്നിങ്ങനെയാണ് മറ്റ് താരങ്ങളുടെ സംഭാവന.