മുംബെെ: ഐപിഎല്ലില്‍ റോയല്‍ ചലഞ്ചേഴ്സ് ബാംഗ്ലൂരിന് ആദ്യ തോല്‍വി. വാംഖഡെയില്‍ നടന്ന മത്സരത്തില്‍ ചെന്നെെ സൂപ്പര്‍ കിങ്സാണ് കോലിപ്പെടയെ അടിച്ചും എറിഞ്ഞും ഒതുക്കിയത്. ടോസ് നേടി ആദ്യം ബാറ്റ് ചെയ്ത ചെന്നെെ ഉയര്‍ത്തിയ 192 റണ്‍സിന്‍റെ വിജയ ലക്ഷ്യം പിന്തുടര്‍ന്ന ബാഗ്ലൂരിന് നിശ്ചിത 20 ഓവറില്‍ ഒമ്പത് വിക്കറ്റ് നഷ്ടത്തില്‍ 122 റണ്‍സെടുക്കാനേ സാധിച്ചുള്ളൂ. സ്കോര്‍: ചെന്നെെ 191/4. ബാംഗ്ലൂര്‍ 122/9.
ബാറ്റുകൊണ്ടും ബോളുകൊണ്ടും മാന്ത്രികത തീര്‍ത്ത രവീന്ദ്ര ജഡേജയാണ് മത്സരം ചെന്നെെയുടെ വരുതിയിലാക്കിയത്. ചെന്നെെയുടെ ഇന്നിങ്സില്‍ അവസാന ഓവറുകളില്‍ കത്തിക്കയറിയ താരം 28 പന്തില്‍ 62 റണ്‍സ് കണ്ടെത്തിയിരുന്നു. ബൗളിങ്ങില്‍ നാല് ഓവറില്‍ വെറും 13 റണ്‍സ് വിട്ടുകൊടുത്ത് മൂന്ന് വിക്കറ്റ് വീഴ്ത്താനും ജഡേജയ്ക്കായി.