ഹൈദരാബാദ്: വെസ്‌റ്റ്‌ ഇന്‍ഡീസ് ഇതിഹാസ താരം ബ്രയാൻ ലാറ ഐപിഎല്‍ ടീം സണ്‍റൈസേഴ്‌സ് ഹൈദരാബാദിന്‍റെ മുഖ്യ പരിശീലകന്‍. ഐ‌പി‌എൽ പുതിയ സീസണിന് മുന്നോടിയായുള്ള ലാറയുടെ നിയമനം സണ്‍റൈസേഴ്‌സ് ഹൈദരാബാദ് സ്ഥിരീകരിച്ചിട്ടുണ്ട്.
വരാനിരിക്കുന്ന സീസണുകളില്‍ ലാറയാണ് ടീമിന്‍റെ മുഖ്യ പരിശീലകനെന്ന് അറിയിച്ച് ഫ്രാഞ്ചൈസി ട്വീറ്റ് ചെയ്‌തു. കഴിഞ്ഞ സീസണിൽ സൺറൈസേഴ്‌സ് ഹൈദരാബാദിനൊപ്പം ഉപദേശകനായും ബാറ്റിങ്‌ പരിശീലകനായും ബ്രയാന്‍ ലാറ ഉണ്ടായിരുന്നു.