മുംബൈ : ഐപിഎല്ലില്‍ റോയല്‍ ചലഞ്ചേഴ്‌സ് ബാംഗ്ലൂരിനെതിരെ ചെന്നൈ സൂപ്പര്‍ കിങ്സിന് 174 റണ്‍സ് വിജയ ലക്ഷ്യം. ആദ്യം ബാറ്റ് ചെയ്‌ത ബാംഗ്ലൂര്‍ നിശ്ചിത ഓവറില്‍ എട്ട് വിക്കറ്റ് നഷ്‌ടത്തിലാണ് 173 റണ്‍സെടുത്തത്. 27 പന്തില്‍ 42 റണ്‍സെടുത്ത മഹിപാൽ ലോംറോറാണ് ബാംഗ്ലൂരിന്‍റെ ടോപ് സ്‌കോറര്‍.
ഫാഫ് ഡു പ്ലെസിസ് (22 പന്തില്‍ 38), വിരാട് കോലി (33 പന്തില്‍ 30), രജത് പടിദാർ(15 പന്തില്‍ 21), ഗ്ലെൻ മാക്‌സ്‌വെൽ (3 പന്തില്‍ 3), ഷഹബാസ് അഹമ്മദ് (2 പന്തില്‍ 1) , വനിന്ദു ഹസരങ്ക (1 പന്തില്‍ 0), ഹർഷൽ പട്ടേൽ(0) എന്നിങ്ങനെയാണ് പുറത്തായ മറ്റ് താരങ്ങളുടെ സംഭാവന. ദിനേഷ് കാർത്തിക് (17 പന്തില്‍ 26), മുഹമ്മദ് സിറാജ് എന്നിവര്‍ പുറത്താവാതെ നിന്നു.