മുംബൈ : ഐപിഎല്ലില്‍ സണ്‍റൈസേഴ്‌സ് ഹൈദരാബാദിനെതിരായ ഇന്നത്തെ മത്സരത്തില്‍ റോയൽ ചലഞ്ചേഴ്‌സ് ബാംഗ്ലൂർ താരങ്ങളിറങ്ങുക പച്ച ജഴ്‌സിയില്‍. ഫ്രാഞ്ചൈസിയുടെ ‘ഗോ ഗ്രീൻ’ പദ്ധതിയുടെ പ്രചാരണാർഥമാണ് സീസണിലെ ഒരു മത്സരത്തില്‍ പച്ച ജഴ്‌സിയണിഞ്ഞ് ബാംഗ്ലൂര്‍ കളിക്കാനിറങ്ങുന്നത്.
മരങ്ങൾ വച്ചുപിടിപ്പിക്കുക, മരങ്ങൾ സംരക്ഷിക്കുക, പ്രകൃതിയെ സംരക്ഷിക്കുക തുടങ്ങിയ ആശയങ്ങൾ പ്രചരിപ്പിക്കുന്നതിന്‍റെ ഭാഗമായാണിത്. 2011ല്‍ കൊച്ചി ടസ്‌കേഴ്‌സ് കേരളയ്‌ക്കെതിരായ മത്സരത്തിലാണ് ബാംഗ്ലൂര്‍ ആദ്യമായി പച്ച ജഴ്‌സിയില്‍ കളത്തിലിറങ്ങിയത്. തുടര്‍ന്നുള്ള എല്ലാ സീസണുകളിലും ഈ പാരമ്പര്യം തടസമില്ലാതെ സംഘം തുടരുന്നുണ്ട്.