മുംബൈ :ഐപിഎല്‍ ടീം രാജസ്ഥാന്‍ റോയല്‍സിന്‍റെ മധ്യനിരയിലെ വിശ്വസ്‌തനാണ് ഷിമ്രോണ്‍ ഹെറ്റ്‌മെയര്‍. ഐപിഎല്ലിലെ തന്‍റെ ഏറ്റവും മികച്ച സീസണുകളിലൊന്നാണ് വിന്‍ഡീസ് താരം ഇക്കുറി ആസ്വദിക്കുന്നത്. ഇപ്പോഴിതാ തന്‍റെ പ്രകടനത്തിന് പിന്നില്‍ ഭാര്യയുടെ നിര്‍ദേശങ്ങളാണെന്നാണ് ഹെറ്റ്‌മെയര്‍ പറയുന്നത്.
തന്‍റെ മികച്ച പരിശീലകയും കടുത്ത വിമര്‍ശകയും ഭാര്യയാണെന്ന് താരം പറയുന്നു. ടീമിന്‍റെ മധ്യനിരയില്‍ ശ്രദ്ധകേന്ദ്രീകരിക്കാനുള്ള നിര്‍ദേശം ഭാര്യയുടേതായിരുന്നു. “ഇത് എനിക്ക് അവസരം നൽകുന്നതിനെക്കുറിച്ചാണ്. ആദ്യ രണ്ട് വർഷങ്ങളിൽ, വേണ്ടത്ര അത്മവിശ്വാസത്തോടെ കളിക്കാന്‍ എനിക്ക് കഴിഞ്ഞിരുന്നില്ല. ഈ വർഷവും കഴിഞ്ഞ വർഷവും, മത്സരങ്ങള്‍ക്കിറങ്ങും മുമ്പ് സാഹചര്യങ്ങൾ എന്താണെന്ന് അറിയാൻ ഒരു അവസരം നൽകണമെന്ന് ഞാൻ എന്നോട് തന്നെ പറഞ്ഞു.