മുംബൈ: ഐപിഎല്ലില്‍ കൊല്‍ക്കത്ത നൈറ്റ്‌റൈഡേഴ്‌സിനെതിരെ ഡല്‍ഹി ക്യാപിറ്റല്‍സിന് 147 റണ്‍സ് വിജയ ലക്ഷ്യം. ആദ്യം ബാറ്റ് ചെയ്‌ത കൊല്‍ക്കത്ത നിശ്ചിത ഓവറില്‍ 9 വിക്കറ്റ് നഷ്‌ടത്തിലാണ് 146 റണ്‍സെടുത്തത്. കൂട്ടത്തകര്‍ച്ചയ്‌ക്കിടെ പൊരുതി നിന്ന നിതീഷ്‌ റാണയുടെ പ്രകടനമാണ് കൊല്‍ക്കത്തയ്‌ക്ക് നിര്‍ണായകമായത്.
34 പന്തില്‍ മൂന്ന് ഫോറും നാല് സിക്‌സും സഹിതം 57 റണ്‍സാണ് റാണയുടെ സമ്പാദ്യം. ക്യാപ്റ്റന്‍ ശ്രേയസ് അയ്യര്‍ 37 പന്തില്‍ 42 റണ്‍സും, റിങ്കു സിങ് 16 പന്തില്‍ 23 റണ്‍സുമെടുത്തു. മൂന്ന് പേര്‍ പൂജ്യത്തിന് പുറത്തായപ്പോള്‍ മറ്റുള്ളവര്‍ക്ക് രണ്ടക്കം തൊടാനായില്ല.
ആരോൺ ഫിഞ്ച് (7 പന്തില്‍ 3), സുനിൽ നരെയ്ൻ (1 പന്തില്‍ 0), വെങ്കിടേഷ് അയ്യർ (12 പന്തില്‍ 6), ബാബ ഇന്ദ്രജിത്ത് (8 പന്തില്‍ 6), ആന്ദ്രെ റസ്സല്‍ (3 പന്തില്‍ 0) , ടിം സൗത്തി (1 പന്തില്‍ 0) എന്നിവരാണ് തീര്‍ത്തും നിരാശപ്പെടുത്തിയത്. റണ്‍സൊന്നുമെടുക്കാതെ ഉമേഷ് യാദവും ഹർഷിത് റാണയും പുറത്താവാതെ നിന്നു.