മുംബൈ : റോയല്‍ ചലഞ്ചേഴ്‌സ് ബാംഗ്ലൂര്‍ പേസര്‍ ഹര്‍ഷല്‍ പട്ടേല്‍ ഐപിഎല്‍ ബയോ ബബിള്‍ വിട്ടു. സഹോദരിയുടെ മരണത്തെ തുടര്‍ന്നാണ് താരം ബയോ ബബിളില്‍ നിന്ന് പുറത്തുകടന്നത്. മുംബൈ ഇന്ത്യന്‍സിന് എതിരായ മത്സരത്തിനിടെയാണ് സഹോദരി മരിച്ചവിവരം ഹര്‍ഷല്‍ അറിയുന്നത്.
ഇതോടെ മത്സരത്തിന് ശേഷം ടീമിനൊപ്പം പുനെയില്‍ നിന്ന് മുംബൈയിലേക്ക് പോകാതെ താരം നാട്ടിലേക്ക് മടങ്ങുകയായിരുന്നു. "നിർഭാഗ്യവശാൽ, കുടുംബത്തിലെ മരണം കാരണം ഹർഷലിന് ബയോ ബബിൾ വിടേണ്ടി വന്നു. മരിച്ചത് അദ്ദേഹത്തിന്‍റെ സഹോദരിയാണ്. പൂനെയിൽ നിന്ന് മുംബൈയിലേക്ക് ടീം ബസിൽ അദ്ദേഹം തിരിച്ചുപോയില്ല" - ഐപിഎൽ വൃത്തങ്ങൾ പറഞ്ഞു.