മുംബൈ:ഇന്ത്യൻ പ്രീമിയർ ലീഗില്‍ (ഐപിഎല്‍) നിര്‍ണായക നേട്ടം സ്വന്തമാക്കി ഗുജറാത്ത് ടൈറ്റൻസ് ബാറ്റര്‍ ഡേവിഡ് മില്ലർ. ഐപിഎല്‍ 100 സിക്‌സുകളെ നാഴികക്കല്ലാണ് മില്ലര്‍ പിന്നിട്ടത്. കൊല്‍ക്കത്ത നൈറ്റ്‌ റൈഡേഴ്‌സിനെതിരായ മത്സരത്തിലാണ് താരത്തിന്‍റെ നേട്ടം.
12ാം ഓവറില്‍ സുനില്‍ നരെയ്‌നെ അതിര്‍ത്തികടത്തിയാണ് ലീഗില്‍ സിക്‌സുകളുടെ സെഞ്ചുറി നേട്ടം മില്ലര്‍ ആഘോഷിച്ചത്. മത്സരത്തില്‍ 20 പന്തില്‍ ഒരു ഫോറും രണ്ട് സിക്‌സും സഹിതം 27 റണ്‍സെടുത്ത് താരം പുറത്തായിരുന്നു. നിലവില്‍ 101 സിക്‌സുകളാണ് താരത്തിന്‍റെ പേരിലുള്ളത്.