മുംബൈ : റോയല്‍ ചലഞ്ചേഴ്‌സ് ബാംഗ്ലൂരിനെതിരെ കളിക്കളത്തില്‍ നിറഞ്ഞാടിയാണ് ചെന്നൈ സൂപ്പര്‍ കിങ്സ് സീസണിലെ ആദ്യ ജയം സ്വന്തമാക്കിയത്. തുടര്‍ച്ചയായ നാല് തോല്‍വിക്ക് ശേഷമാണ് ബാംഗ്ലൂരിനെ 23 റണ്‍സിന് ചെന്നൈ തോല്‍പ്പിച്ചത്. ബാറ്റിങ്ങിലും ബൗളിങ്ങിലും ഫീല്‍ഡിങ്ങിലും ചെന്നൈ താരങ്ങള്‍ കസറിയതോടെയാണ് ബംഗ്ലൂര്‍ മുട്ട് മടക്കിയത്.
ഇതിനിടെ ബാംഗ്ലൂര്‍ താരം ആകാശ് ദീപിനെ പുറത്താക്കാന്‍ അമ്പാട്ടി റായുഡു എടുത്ത ക്യാച്ച് ക്രിക്കറ്റ് ആരാധകരുടെ കയ്യടി നേടുകയാണ്. മത്സരത്തിലെ 16ാം ഓവറിലാണ് റായുഡുവിന്‍റെ പറക്കും ക്യാച്ച്. രവീന്ദ്ര ജഡേജ എറിഞ്ഞ ഓവറില്‍ ആകാശിന്‍റെ ബാറ്റില്‍ തട്ടി ഉയര്‍ന്ന പന്ത് മുഴുനീള ഡൈവിലൂടെയാണ് റായുഡു പിടിച്ചെടുത്തത്.