മുംബൈ : മുന്‍ നായകന്‍ രവീന്ദ്ര ജഡേജയെ ഇന്‍സ്റ്റഗ്രാമില്‍ അണ്‍ഫോളോ ചെയ്ത് ഐപിഎല്‍ ഫ്രാഞ്ചൈസി ചെന്നൈ സൂപ്പര്‍ കിങ്‌സ്. ഏകദേശം 10 വര്‍ഷമായി ടീമിന്‍റെ ഭാഗമായുള്ള താരത്തെയാണ് ചെന്നൈ അണ്‍ഫോളോ ചെയ്തത്. ഇതോടെ ഇരുവരും തമ്മിലുള്ള ബന്ധം അത്ര രസത്തിലല്ലെന്നാണ് കിംവദന്തികൾ.
സീസണില്‍ ജഡേജയ്ക്ക് കീഴിലിറങ്ങിയ ചെന്നൈക്ക് മികച്ച പ്രകടനം നടത്താനായിരുന്നില്ല. ഇതോടെ ജഡേജയെ ക്യാപ്റ്റന്‍ സ്ഥാനത്ത് നിന്നും മാറ്റി എംഎസ്‌ ധോണിക്ക് തന്നെ ചുമതല നല്‍കിയിരുന്നു. തുടര്‍ന്ന് ഡല്‍ഹിക്കെതിരായ മത്സരത്തില്‍ താരം പുറത്തിരുത്തുകയും ചെയ്തു. പരിക്ക് കാരണമാണ് ജഡേജയ്ക്ക് പിന്മാറേണ്ടി വന്നതെന്നായിരുന്നു ക്യാപ്റ്റന്‍ ധോണി അറിയിച്ചത്.