ദുബായ്‌: ഐപിഎല്ലിലെ 14ാം സീസണിലെ പര്‍പ്പിള്‍ ക്യാപ് സ്വന്തമാക്കി ബാംഗ്ലൂര്‍ റോയല്‍ ചലഞ്ചേഴ്‌സ് താരം ഹർഷൽ പട്ടേൽ. 15 മത്സരങ്ങളില്‍ നിന്നും 32 വിക്കറ്റുകള്‍ വീഴ്‌ത്തിയാണ് ഹര്‍ഷല്‍ വിക്കറ്റ് വേട്ടക്കാരുടെ പട്ടികയില്‍ തലപ്പത്തെത്തിയത്. സീസണില്‍ 56.2 ഓവറാണ് 30കാരനായ താരം എറിഞ്ഞത്.
പിന്നിലുണ്ട് ആവേശും ബുംറയും
ഇതോടെ ഒരു സീസണില്‍ ഏറ്റവും കൂടുതല്‍ വിക്കറ്റുകള്‍ വീഴ്‌ത്തിയ താരമെന്ന ചെന്നൈ സൂപ്പര്‍ കിങ്സിന്‍റെ ഡ്വെയ്ൻ ബ്രാവോയുടെ റെക്കോര്‍ഡിനൊപ്പമെത്താനും ഹര്‍ഷലിനായി. 24 വിക്കറ്റുകള്‍ വീഴ്‌ത്തിയ ഡല്‍ഹി ക്യാപിറ്റല്‍സിന്‍റെ ആവേശ്‌ ഖാനാണ് പട്ടികയില്‍ രണ്ടാം സ്ഥാനത്തുള്ളത്. 21 വിക്കറ്റുകള്‍ വീഴ്‌ത്തിയ മുംബൈ ഇന്ത്യന്‍സിന്‍റെ ജസ്‌പ്രീത് ബുംറയാണ് പട്ടികയില്‍ മൂന്നാം സ്ഥാനത്ത്.