അബുദാബി: ഐപിഎല്ലില്‍ കിങ്സ് ഇലവന്‍ പഞ്ചാബിന് എതിരെ ടോസ് നേടി ബാറ്റിങ് ആരംഭിച്ച കൊല്‍ക്കത്ത നൈറ്റ് റൈഡേഴ്‌സ് ആറ് വിക്കറ്റ് നഷ്‌ടത്തില്‍ 164 റണ്‍സെടുത്തു. അര്‍ദ്ധസെഞ്ച്വറി സ്വന്തമാക്കിയ ഓപ്പണര്‍ ശുഭ്‌മാന്‍ ഗില്ലിന്‍റെയും നായകന്‍ ദിനേശ് കാര്‍ത്തിക്കിന്‍റെയും നേതൃത്വത്തിലാണ് കൊല്‍ക്കത്ത ഭേദപ്പെട്ട സ്‌കോര്‍ സ്വന്തമാക്കിയത്.
47 പന്തില്‍ അഞ്ച് ഫോര്‍ ഉള്‍പ്പെടെ 57 റണ്‍സ് സ്വന്തമാക്കിയ ഗില്‍ റണ്‍ ഔട്ടായി. അഞ്ചാമനായി ഇറങ്ങി ദിനേശ് കാര്‍ത്തിക്ക് 29 പന്തില്‍ 58 റണ്‍സെടുത്ത് കൂടാരം കയറി. രണ്ട് സിക്‌സും എട്ട് ഫോറും ഉള്‍പ്പെടുന്നതായിരുന്നു കാര്‍ത്തിക്കിന്‍റ വെടിക്കെട്ട് ഇന്നിങ്സ്. കാര്‍ത്തിക്കും ഗില്ലും ചേര്‍ന്ന് 82 റണ്‍സിന്‍റെ നാലാം വിക്കറ്റ് കൂട്ടുകെട്ടാണ് ഉണ്ടാക്കിയത്.