സതാംപ്‌റ്റണ്‍ :ശ്രീലങ്കയ്‌ക്കെതിരായ ഏകദിന പരമ്പരയിലെ മൂന്നാമത്തെയും അവസാനത്തെയും മത്സരത്തില്‍ ഇംഗ്ലണ്ടിന് 167 റണ്‍സിന്‍റ വിജയ ലക്ഷ്യം. മഴ തടസപ്പെടുത്തിയ മത്സരത്തില്‍ 53 പന്ത് ശേഷിക്കെ ലങ്ക കൂടാരം കയറി. ടോസ് നേടി ബൗളിങ് തെരഞ്ഞെടുത്ത ഇംഗ്ലണ്ടിന് മുന്നില്‍ ലങ്കന്‍ ബാറ്റിങ് നിര തകര്‍ന്നടിഞ്ഞു.
മിഡില്‍ ഓര്‍ഡറില്‍ ഏഴാമനായി ഇറങ്ങി 48 റണ്‍സെടുത്ത് പുറത്താകാതെ നിന്ന ദസുന്‍ ശനകയാണ് ലങ്കന്‍ നിരയിലെ ടോപ്പ് സ്‌കോറര്‍. 65 പന്തില്‍ രണ്ട് വീതം സിക്‌സും ഫോറും ഉള്‍പ്പെടുന്നതായിരുന്നു ശനകയുടെ ഇന്നിങ്സ്.
താരത്തെ കൂടാതെ ആവിഷ്‌ക ഫെര്‍ണാണ്ടോ(14), ഒഷാഡാ ഫെര്‍ണാണ്ടോ(18), വാനിഡു സഹരങ്ക(20), കരുണരത്നെ(11), ചമീര(16) എന്നിവര്‍ മാത്രമാണ് രണ്ടക്കം കടന്നത്.
ഇംഗ്ലണ്ടിന് വേണ്ടി ടോം കറാന്‍ നാല് വിക്കറ്റ് വീഴ്‌ത്തിയപ്പോള്‍ ഡേവിഡ് വില്ലി, ക്രിസ് വോക്‌സ് എന്നിവര്‍ രണ്ട് വിക്കറ്റ് വീതവും ആദില്‍ റാഷിദ് ഒരു വിക്കറ്റും സ്വന്തമാക്കി.