ഡബ്ലിൻ : അയർലൻഡിനെതിരായ ആദ്യ ടി20 മത്സരത്തിൽ ഇന്ത്യക്ക് ബോളിങ്. ടോസ് നേടിയ ഇന്ത്യൻ നായകൻ ഹാർദിക് പാണ്ഡ്യ ബോളിങ് തെരഞ്ഞെടുക്കുകയായിരുന്നു. മലയാളി താരം സഞ്ജു സാംസണിന് ടീമിൽ ഇടം നേടാൻ സാധിച്ചില്ല. യുവ പേസർ ഉമ്രാൻ മാലിക് ഇന്നത്തെ മത്സരത്തിലൂടെ ഇന്ത്യൻ ടീമിൽ അരങ്ങേറും.
രണ്ട് മത്സരങ്ങളുടെ പരമ്പരയ്ക്കായാണ് ഇന്ത്യ അയർലൻഡിലെത്തിയത്. സീനിയര്‍ താരങ്ങളുടെ അഭാവത്തില്‍ ഹാര്‍ദിക് പാണ്ഡ്യയാണ് ഇന്ത്യയെ നയിക്കുന്നത്. ഭുവനേശ്വര്‍ കുമാറാണ് വൈസ് ക്യാപ്റ്റന്‍. ഇന്ത്യൻ കോച്ച് രാഹുൽ ദ്രാവിഡ് സീനിയര്‍ ടീമിനൊപ്പമായതിനാൽ നാഷണല്‍ അക്കാദമി തലവന്‍ വിവിഎസ് ലക്ഷ്‌മണിനാണ് താത്കാലിക ചുമതല.