ഫ്ലോറിഡ:വെസ്‌റ്റിന്‍ഡീസിനെതിരായ ടി20 പരമ്പരയിലെ അവസാന മത്സരത്തില്‍ ഇന്ത്യ ആദ്യം ബാറ്റ് ചെയ്യുന്നു. ടോസ് നേടിയ ഇന്ത്യന്‍ ക്യാപ്‌ടന്‍ ഹര്‍ദിക് പാണ്ഡ്യ വിന്‍ഡീസിനെ ഫീല്‍ഡിങ്ങിന് അയക്കുകയായിരുന്നു. ഇരു ടീമുകളും നാല് മാറ്റങ്ങളുമായാണ് അവസാന മത്സരത്തിനിറങ്ങിയത്.
കഴിഞ്ഞ മത്സരം കളിച്ച സഞ്ജു സാംസണ്‍ ടീമിലിടം നിലനിര്‍ത്തി. രോഹിത് ശര്‍മ്മ, സൂര്യകുമാര്‍ യാദവ്, റിഷഭ് പന്ത്, ഭുവനേശ്വര്‍ കുമാര്‍ എന്നിവര്‍ക്കാണ് ഇന്ത്യ വിശ്രമം അനുവദിച്ചത്. ഇവര്‍ക്ക് പകരക്കാരായി ഹര്‍ദിക് പാണ്ഡ്യ, ശ്രേയസ് അയ്യര്‍, ഇഷാന്‍ കിഷന്‍, കുല്‍ദീപ് യാദവ് എന്നിവരാണ് അന്തിമ ഇലവനിലേക്കെത്തിയത്.