പൂനെ : ശ്രീലങ്കക്കെതിരായ രണ്ടാം ടി20 മത്സരത്തിൽ ഇന്ത്യക്ക് ബോളിങ്. ടോസ് നേടിയ നായകൻ ഹാർദിക് പാണ്ഡ്യ ബോളിങ് തെരഞ്ഞെടുക്കുകയായിരുന്നു. ഇന്ത്യക്കായി രാഹുൽ ത്രിപാഠി ഇന്നത്തെ മത്സരത്തിൽ അരങ്ങേറ്റം കുറിക്കും. സഞ്ജു സാംസണിന് പകരക്കാരനായാണ് ത്രിപാഠിയെ പ്ലെയിങ് ഇലവനിൽ ഉൾപ്പെടുത്തിയത്.
അതേസമയം ഹർഷൽ പട്ടേലിന് പകരം പേസർ അർഷദീപ് സിങ്ങും പ്ലെയിങ് ഇലവനിൽ മടങ്ങിയെത്തി. മൂന്ന് മത്സരങ്ങളുടെ പരമ്പരയിലെ ആദ്യത്തേതില്‍ തകർപ്പൻ ജയം നേടിയ ഇന്ത്യ പരമ്പര സ്വന്തമാക്കാനുറച്ചാണ് ഇറങ്ങുന്നത്. ഇന്നത്തെ മത്സരത്തിൽ ജയിച്ചാൽ ഇന്ത്യക്ക് പരമ്പര നേടാനാകും.