സെഞ്ചൂറിയന്‍ : ദക്ഷിണാഫ്രിക്കയ്‌ക്കെതിരായ ടെസ്റ്റ് പരമ്പരയിലെ ആദ്യ മത്സരത്തിൽ ഇന്ത്യ മികച്ച സ്കോറിലേക്ക്. ആദ്യ ദിനം കളി അവസാനിപ്പിക്കുമ്പോൾ മൂന്ന് വിക്കറ്റ് നഷ്‌ടത്തിൽ 272 എന്ന നിലയിലാണ് ഇന്ത്യ. ടോസ് നേടി ബാറ്റിങ് തെരഞ്ഞെടുത്ത ഇന്ത്യ ഓപ്പണർ കെ.എൽ രാഹുലിന്‍റെ സെഞ്ച്വറി മികവിലാണ് മികച്ച സ്കോറിലേക്ക് എത്തിച്ചേർന്നത്. നിലവിൽ 122 റണ്‍സുമായി രാഹുലും 40 റണ്‍സുമായി രഹാനെയുമാണ് ക്രീസിൽ.
ദക്ഷിണാഫ്രിക്കൻ ബോളർമാരെ ശ്രദ്ധയോടെ നേരിട്ടാണ് ഇന്ത്യൻ ഓപ്പണർമാരായ രാഹുൽ-മായങ്ക് സഖ്യം ബാറ്റ് വീശിയത്. ഇരുവരും ചേർന്ന് ആദ്യ വിക്കറ്റിൽ 117 റണ്‍സിന്‍റെ കൂട്ടുകെട്ടുണ്ടാക്കി. 60 റണ്‍സെടുത്ത മായങ്കിനെ പുറത്താക്കി ലുങ്കി എൻഗിഡിയാണ് കൂട്ടുകെട്ട് പൊളിച്ചത്. പിന്നാലെയെത്തിയ ചേതേശ്വർ പൂജാരയെ തൊട്ടടുത്ത പന്തിൽ തന്നെ പുറത്താക്കി എൻഗിഡി ഞെട്ടിച്ചു.